Google و Epic Games ئاشت بوون: کۆمیسیۆنا Play Store بوو 20%
Google کۆمیسیۆنا کڕینێن ناڤ ئەپان کێم کر و ڕێکا فرۆشگەهێن ئەپێن دی ل سەر Android ئاسانتر کر، و هەمی کێشێن خۆ دگەل Epic ب دووماهی ئینان.
چ گوهۆڕی؟
Google ڕاگەهاند کو کۆمیسیۆنا Play Store دێ کێم بیت:
- 20% ل سەر کڕینێن ناڤ ئەپان (In-app purchases) بۆ داگرتنێن نوو.
- 10% ل سەر بەشداربوونێن بەردەوام (Subscriptions).
- 5% زێدە ئەگەر پرۆگرامساز سیستەمێ پارەدانێ یێ Google بکاربینیت (ئەڤە ب دلێ وانە).
فرۆشگەهێن دی
Google بەرنامەیەکێ نوو ب ناڤێ Registered App Stores دەست پێ دکەت، دا داگرتنا فرۆشگەهێن ئەپان یێن دی ل سەر Android ئاسانتر ببیت. ئەڤە ل دەرڤەی ئەمریکا دەستپێدکەت، و ل ئەمریکا پێتڤی ب ڕەزامەندیا دادگەهێ هەیە.
کەنگی؟
| هەرێم | دەم |
|---|---|
| ئەورووپا، بەریتانیا، ئەمریکا | هەتا 30ێ حزیرانا 2026ێ |
| ئۆسترالیا | هەتا 30ێ ئەیلوولا 2026ێ |
| کۆریا و ژاپۆن | هەتا 31ێ کانوونا ئێکێ 2026ێ |
| هەمی جیهان | هەتا 30ێ ئەیلوولا 2027ێ |
دووماهیا شەڕی
Google گۆت: «ب ڤان گوهۆڕینان، مە هەمی کێشێن خۆ دگەل Epic Games ل هەمی جیهانێ چارەسەر کرن.» Tim Sweeney، سەرۆکێ Epic، ل سەر X نڤیسی: «سوپاس Google!»
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
نامەیەک دشێت مۆبایلا تە تێکبدەت: SMS of Death ل سەر ئەندرۆیدێ
خالەکا لاواز ل Android 12 و نووتر ب نامەیەکا SMS یا تایبەت پەیوەندیان دبڕیت و دشێت مۆبایلێ بێ کار بکەت. چارەسەری د نووکرنا ئاسایشێ یا ئۆکتۆبەرێ دایە.
GTA VI ل 19ێ نۆڤەمبەرێ دهێت: بها، ئێدیشن و هەر تشتێ پێدڤی بزانی
Rockstar دەم مسۆگەر کر: پێنجشەمب 19ێ نۆڤەمبەرێ ل سەر PS5 و Xbox Series X|S. Standard ب $79.99 و Ultimate ب $99.99.
ئەپل یەکەم MacBook Pro ب روونمایا تاچ و Dynamic Island ناساند
روونمایا نوو یا PROLED XDR ب تبلا کار دکەت، نۆچ نەما و Dynamic Island هاتە جهێ وێ. بها ژ $2,899 دەست پێدکەت.
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.