ئەپل یەکەم MacBook Pro ب روونمایا تاچ و Dynamic Island ناساند
روونمایا نوو یا PROLED XDR ب تبلا کار دکەت، نۆچ نەما و Dynamic Island هاتە جهێ وێ. بها ژ $2,899 دەست پێدکەت.
· 3 خولەک خواندن
ئەپل ل 28ێ ئۆکتۆبەرێ MacBook Pro یێ نوو ب ناڤێ MacBook Pro with PROLED XDR Display ناساند. ئەڤە یەکەم جارە کو Mac روونمایەکا تاچ هەبیت. دوو قەبارە هەنە: 14 و 16 ئینچ.
روونمایا PROLED XDR چیە؟
روونما ژ جۆرێ Tandem OLED ە. واتە دوو چینێن OLED ل سەر ئێک هاتینە دانان، بۆ رووناهیەکا زێدەتر و تەمەنەکێ درێژتر. ئەپل دبێژیت ئەڤە باشترین روونمایە د لاپتۆپەکێ Pro دا ل جیهانێ.
- رووناهی: هەتا 2000 nits (Peak)، هەم بۆ HDR و هەم بۆ SDR. ل سەر هەمی روونمایێ ب بەردەوامی 1000 nits
- ڕێژەیا جوداهیا ڕەنگا (Contrast): 10,000,000:1
- ProMotion ژ 10Hz هەتا 120Hz
- قەبارێ روونمایێ: 14.2 و 16.3 ئینچ
- شیشەیا Nano-texture وەک هەلبژارتن (Option)
تاچ ل سەر Mac: چەوا کار دکەت؟
سێنسەرێ تاچێ د ناڤ روونمایێ دا هاتیە چێکرن، نە ل سەر وێ. ئەپل دبێژیت ب ڤێ ڕێکێ دواکەفتن (Latency) کێمتر دبیت.
ب تبلا خو دشێی پەڕێن ئینتەرنێتێ سکرۆڵ بکەی، وێنەیان مەزن بکەی (Pinch to zoom)، سلایدان ژ پرێزنتەیشنەکێ بۆ یا دی ڕاکێشی، یان ب دوو جار لێدانێ (Double-tap) پەنجەرەیێ مەزن بکەی. macOS تاچێ دکەتە کلیک، لەوا گەلەک ئەپ ژ ڕۆژا ئێکێ کار دکەن.
حینجەکێ (Hinge) نوو ژی هاتیە چێکرن، دا روونما دەمێ تو تاچ دکەی نەلەرزیت. Trackpad و کیبۆرد هەر وەکی خو دمینن و ئامرازێن سەرەکی نە.
نۆچ نەما، Dynamic Island هات
وەکی iPhone، Dynamic Island نوکە ل سەر Mac ژی هەیە و جهێ نۆچێ گرت. تێدا Spotlight، Live Activities و Siri هەنە. ژ وێرێ دشێی پەیوەندیان (Calls) وەرگری، مۆزیکێ کۆنترۆل بکەی و AirDrop قەبویل بکەی.
کامێرایەکا 12MP Center Stage هەیە، و Touch ID ل سەر کیبۆردێ هەر دمینیت.
چیپ و هێز
ئەڤ مۆدێلە ب چیپێن M5 Pro و M5 Max دهێن، نە M6.
- RAM هەتا 128GB
- کۆگە (Storage) هەتا 16TB
- هەتا سێ روونمایێن دەرڤە ب M5 Pro، و چار ب M5 Max
- پاتری: هەتا 24 دەمژمێران (ل دویڤ تاقیکرنا ئەپل)
- بارگاویکرنا خێرا: 50% د 30 خولەکان دا
دیزاین و پۆرت
مۆدێلا 14 ئینچ 3 پاوەندە (نێزیکی 1.36 kg) و یا 16 ئینچ 4 پاوەندە (نێزیکی 1.81 kg). یا 16 ئینچ نێزیکی 1mm و یا 14 ئینچ نیڤ ملیمەتر ژ یا بەری زراڤترن. ل دویڤ MacRumors، لۆگۆیا رووناک ل پشتا روونمایێ زڤڕی. شەش سپیکەر هەنە و ئەپل دبێژیت Bass هەتا 50% کویرترە.
پۆرت: سێ Thunderbolt 5، HDMI، SDXC، MagSafe 3 و جهێ گوهیکان (3.5mm). Wi-Fi 7 و Bluetooth 6 ب چیپا N1. ڕەنگ: Silver و Space Black.
| 14 ئینچ | 16 ئینچ | |
|---|---|---|
| روونما | 14.2″ PROLED XDR | 16.3″ PROLED XDR |
| ڕێزۆلوشن | 3024 × 1986 | 3472 × 2266 |
| کێش | 3 lb | 4 lb |
| بها ب M5 Pro | $2,899 | $3,399 |
| بها ب M5 Max | $4,499 | $4,799 |
بها و دەم
داخازکرنا پێشوەخت ژ 28ێ ئۆکتۆبەرێ دەست پێکر، و ل بازاڕان ژ 6ێ نۆڤەمبەرێ. مۆدێلا دەستپێکێ M5 Pro، 24GB RAM و 1TB یە. ئەڤە گرانترین دەستپێکا MacBook Pro یە هەتا نوکە. ئەپل MacBook Pro یەکێ دی ژی ب چیپا M6 و روونمایا mini-LED (بێ تاچ) ناساند، کو ژ $1,999 دەست پێدکەت.
ئەڤە بهایێن ئەمریکایێ نە بێ باج. ل بازاڕێن کوردستانێ دێ جودا بن.
بوو چونا مە
ئەگەر تو وێنە، ڤیدیۆ یان دیزاینێ دکەی، روونمایا 2000 nits و تاچ دێ کارێ تە ئاسانتر کەن. بەلێ بۆ کارێن ڕۆژانە، MacBook Pro یێ M6 ب $1,999 (بێ تاچ) هێشتا هەلبژارتنەکا ژیرترە.
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
نامەیەک دشێت مۆبایلا تە تێکبدەت: SMS of Death ل سەر ئەندرۆیدێ
خالەکا لاواز ل Android 12 و نووتر ب نامەیەکا SMS یا تایبەت پەیوەندیان دبڕیت و دشێت مۆبایلێ بێ کار بکەت. چارەسەری د نووکرنا ئاسایشێ یا ئۆکتۆبەرێ دایە.
GTA VI ل 19ێ نۆڤەمبەرێ دهێت: بها، ئێدیشن و هەر تشتێ پێدڤی بزانی
Rockstar دەم مسۆگەر کر: پێنجشەمب 19ێ نۆڤەمبەرێ ل سەر PS5 و Xbox Series X|S. Standard ب $79.99 و Ultimate ب $99.99.
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.
Exynos 2700 تا 20% ژ Snapdragon بلەزترە؟
تاقیکرنێن ناڤخۆیی یێن سامسۆنگ دبێژن چیپا Galaxy S27 ب هێزترە. هێشتا دووپاتکرنا فەرمی نینە.