GTA VI ل 19ێ نۆڤەمبەرێ دهێت: بها، ئێدیشن و هەر تشتێ پێدڤی بزانی
Rockstar دەم مسۆگەر کر: پێنجشەمب 19ێ نۆڤەمبەرێ ل سەر PS5 و Xbox Series X|S. Standard ب $79.99 و Ultimate ب $99.99.
· 1 خولەک خواندن
پشتی چاڤەڕێکرنەکا درێژ، Rockstar Games مسۆگەر کر کو Grand Theft Auto VI ل پێنجشەمب 19ێ نۆڤەمبەرا 2026ێ دێ دەرکەڤیت.
ل سەر کیژان ئامێران؟
GTA VI ل سەر PS5 و Xbox Series X|S دهێت. بۆ PC، Rockstar هێشتا چ دەم نەگۆتیە.
بها و ئێدیشن
| ئێدیشن | بها |
|---|---|
| Standard | $79.99 |
| Ultimate | $99.99 |
جوداهی د ناڤبەرا هەردووکان دا $20 ە. Ultimate ئەڤان تشتان زێدە دکەت:
- ئوتۆمبێل و ماتۆڕێن تایبەت، وەکی '95 Grotti Cheetah و Dinka Enduro
- چەکێن تایبەت و دەمانچێن کەسایەتی
- جلک و تاتۆیێن تایبەت بۆ Jason و Lucia
- دوکانێن تایبەت، وەکی Rideout Customs و Electric Fang Tattoo
هەردوو ئێدیشن ل 19ێ نۆڤەمبەرێ ڤەدبن.
دیاریا داخازکرنا پێشوەخت
هەر کەسێ داخازکرنا پێشوەخت (Pre-order) بکەت یان یاریێ بەری 20ێ نۆڤەمبەرێ بکڕیت، Vintage Vice City Pack وەردگریت: ئوتۆمبێلا '55 Vapid Stanier، گەراجەک ل Ocean Beach، جلکێن کەڤن بۆ Jason و Lucia، و شێوازێن چەکان ب ئیلهام ژ Tommy Vercetti ژ Vice City یا کەڤن. داخازکرنا پێشوەخت یا دیجیتال ژی مەهەکێ GTA+ ب خۆڕایی تێدا هەیە.
بۆکسێ یاریێ دیسک تێدا نینە
ئەگەر تو کۆپیا فیزیکی بکڕی، د ناڤ بۆکسێ دا کۆدەکێ داونلۆدێ هەیە، نە دیسک. واتە هەر دێ پێدڤی ب ئینتەرنێتێ بی بۆ داونلۆدکرنا یاریێ. کۆپیا فیزیکی ژ 12ێ نۆڤەمبەرێ ل بازاڕان دبیت.
Pre-load کەنگی؟
Rockstar گۆت هەر کەسێ داخازکرنا پێشوەخت یا دیجیتال کربیت، دشێت ژ 12ێ نۆڤەمبەرێ Pre-load بکەت، هەفتیەکێ بەری دەرکەفتنێ.
Rockstar هێشتا قەبارێ یاریێ ب فەرمی نەگۆتیە. بەلێ ئەگەر ئینتەرنێتا تە هێدی بیت، باشترە ژ ڕۆژا ئێکێ یا Pre-load دەست ب داونلۆدێ بکەی.
بها ل ستۆرێن PlayStation و Xbox ل ناوچەیا مە دبیت جودا بن.
بوو چونا مە
ئەگەر تە PS5 یان Xbox Series X|S هەبیت، Standard بەسە. Ultimate بتنێ تشتێن جوانکاری و ئوتۆمبێلان زێدە دکەت، نە چیرۆک و نە یاری یا زێدە.
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
نامەیەک دشێت مۆبایلا تە تێکبدەت: SMS of Death ل سەر ئەندرۆیدێ
خالەکا لاواز ل Android 12 و نووتر ب نامەیەکا SMS یا تایبەت پەیوەندیان دبڕیت و دشێت مۆبایلێ بێ کار بکەت. چارەسەری د نووکرنا ئاسایشێ یا ئۆکتۆبەرێ دایە.
ئەپل یەکەم MacBook Pro ب روونمایا تاچ و Dynamic Island ناساند
روونمایا نوو یا PROLED XDR ب تبلا کار دکەت، نۆچ نەما و Dynamic Island هاتە جهێ وێ. بها ژ $2,899 دەست پێدکەت.
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.
Exynos 2700 تا 20% ژ Snapdragon بلەزترە؟
تاقیکرنێن ناڤخۆیی یێن سامسۆنگ دبێژن چیپا Galaxy S27 ب هێزترە. هێشتا دووپاتکرنا فەرمی نینە.