نامەیەک دشێت مۆبایلا تە تێکبدەت: SMS of Death ل سەر ئەندرۆیدێ
خالەکا لاواز ل Android 12 و نووتر ب نامەیەکا SMS یا تایبەت پەیوەندیان دبڕیت و دشێت مۆبایلێ بێ کار بکەت. چارەسەری د نووکرنا ئاسایشێ یا ئۆکتۆبەرێ دایە.
· 1 خولەک خواندن
لێکۆلەرەکێ ئاسایشێ ب ناڤێ Mark B. خالەکا لاواز (Vulnerability) ل ئەندرۆیدێ دیت کو ب ناڤێ SMS of Death دهێتە نیاسین، و ل 29ێ ئۆکتۆبەرێ ئاشکەرا کر. بتنێ ب وەرگرتنا نامەیەکا SMS یا تایبەت، مۆبایلا تە دێ تووشی ئاریشێت مەزن بیت.
چ دکەت؟
- پەیوەندیێن (Calls) چالاک دبڕیت
- مۆبایل بۆ دەمەکی تۆڕێ (Network) ژ دەست ددەت
- ئەگەر نێزیکی 20 نامێن وەسا بگەهن، مۆبایل دشێت بێ کار ببیت. چاککرنا وێ زەحمەتە و پێدڤی ب هاریکاریا تەکنیکی هەیە.
چەوا کار دکەت؟
نامە ژ جۆرێ WAP Push SMS ە. ئەندرۆید ڤێ نامێ د ئینبۆکسێ دا نیشان نادەت، بەلکو ل پشت پەردێ (Background) کار ل سەر دکەت، و ل وێرێ خەلەتی چێدبیت.
خرابترین تشت ئەوە کو پێدڤی نینە تو چ بکەی. نە لینکە، نە فایلە و نە Phishing ە. بتنێ گەهشتنا نامێ بەسە.
کیژان مۆبایل؟
ل دویڤ لێکۆلەری، هەمی مۆبایلێن Android 12 و نووتر. ئاریشە ل سەر Pixel 9 و چەند مۆبایلێن Samsung Galaxy هاتیە تاقیکرن.
چارەسەری هەیە؟
ل 5ێ مایۆ ئاریشە بۆ گووگل هاتە ڕاگەهاندن. پاشی گووگل چارەسەری د نووکرنا ئاسایشێ (Security patch) یا ئۆکتۆبەرێ دا بۆ Android 14 و نووتر زێدە کر. نوکە ئەندرۆید ڤێ خەلەتیێ دگریت و مۆبایل تێکناچیت، و نامەیا خراب ب خو ژێدبەت.
ل دویڤ لێکۆلەری، Android 12 و 13 ڤێ چارەسەریێ وەرناگرن، چونکی ئێدی نووکرنێن ئاسایشێ بۆ وان نایێن.
چەوا مۆبایلا خو سحکەی؟
- Settings ڤەکە
- بچە About phone. ل Samsung: About phone ← Software information
- ل Android security update یان Security patch level بنێڕە
ئەگەر تاریخ October 2026 یان نووتر نەبیت، بچە Settings ← Software update و نووکرنێ داونلۆد بکە. ناڤێن مێنویان ل هندەک مۆبایلان دبیت پچەکێ جودا بن.
بوو چونا مە
ئەڤە ئێک ژ وان ئاریشانە کو تو نەشێی خو ژێ بپارێزی ب هشیاریێ بتنێ، لەوا نووکرن گرنگترین پاراستنە. ئەگەر مۆبایلا تە ل سەر Android 13 یان کەڤنتر بیت و چ نووکرن بۆ نەهێن، دەمێ گوهۆڕینێ نێزیک بوویە.
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
GTA VI ل 19ێ نۆڤەمبەرێ دهێت: بها، ئێدیشن و هەر تشتێ پێدڤی بزانی
Rockstar دەم مسۆگەر کر: پێنجشەمب 19ێ نۆڤەمبەرێ ل سەر PS5 و Xbox Series X|S. Standard ب $79.99 و Ultimate ب $99.99.
ئەپل یەکەم MacBook Pro ب روونمایا تاچ و Dynamic Island ناساند
روونمایا نوو یا PROLED XDR ب تبلا کار دکەت، نۆچ نەما و Dynamic Island هاتە جهێ وێ. بها ژ $2,899 دەست پێدکەت.
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.
Exynos 2700 تا 20% ژ Snapdragon بلەزترە؟
تاقیکرنێن ناڤخۆیی یێن سامسۆنگ دبێژن چیپا Galaxy S27 ب هێزترە. هێشتا دووپاتکرنا فەرمی نینە.