OpenAI بەشەکێ تایبەت بۆ ساخلەمیێ ناساند: ChatGPT Health
هەر هەفتی 230 ملیۆن کەس پسیارێن ساخلەمیێ ژ ChatGPT دکەن. نوکە OpenAI جهەکێ جودا بۆ ڤان ئاخڤتنان چێکر، و دبێژیت دەیتایێن وان بۆ ڕاهێنانا AI ناهێنە بکارئینان.
کۆمپانیا OpenAI ل 7ێ کانوونا دووێ ChatGPT Health ناساند. ئەڤە بەشەکێ تایبەتە د ناڤ ChatGPT دا بۆ پسیار و ئاخڤتنێن ساخلەمیێ. دێ د هەفتیێن بێت دا بۆ بکارئینەران بەلاڤ بیت.
بۆچی ئەڤ بەشە؟
OpenAI دبێژیت هەر هەفتی زێدەتر ژ 230 ملیۆن کەس پسیارێن ساخلەمی و لەشساخیێ ژ ChatGPT دکەن.
Fidji Simo سەرۆکا بەشێ ئەپلیکەیشنێن OpenAI دبێژیت ئەڤ بەشە بەرسڤا گرانیا چارەسەریێ، دوکتۆرێن مژوول و نەبوونا بەردەوامیا چاڤدێریێ یە.
چەوا کار دکەت؟
- ئاخڤتنێن ساخلەمیێ ژ ئاخڤتنێن دی جودا دمینن
- ئەگەر تو ل دەرڤەی بەشێ Health پسیارەکا ساخلەمیێ بکەی، ChatGPT دێ بێژیتە تە بچە بەشێ Health
- دشێی ئەپێن وەک Apple Health، MyFitnessPal و Function پێڤە گرێ بدەی
- OpenAI دبێژیت ئاخڤتنێن Health بۆ ڕاهێنانا مۆدێلێن AI ناهێنە بکارئینان
ئاگەهداری
یاسایێن OpenAI ب خو دبێژن ChatGPT نە بۆ دەستنیشانکرن یان چارەسەرکرنا نەخۆشیان ە. هەر پسیارەکا گرنگ یا ساخلەمیێ، بچە دەڤ دوکتۆری.
بوو چونا مە
ئەڤە هەنگاڤەکێ مەزنە، بەلێ پاراستنا دەیتایێن ساخلەمیێ گەلەک گرنگە. AI دشێت هاریکار بیت، نە جهێ دوکتۆری بگریت.
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
نامەیەک دشێت مۆبایلا تە تێکبدەت: SMS of Death ل سەر ئەندرۆیدێ
خالەکا لاواز ل Android 12 و نووتر ب نامەیەکا SMS یا تایبەت پەیوەندیان دبڕیت و دشێت مۆبایلێ بێ کار بکەت. چارەسەری د نووکرنا ئاسایشێ یا ئۆکتۆبەرێ دایە.
GTA VI ل 19ێ نۆڤەمبەرێ دهێت: بها، ئێدیشن و هەر تشتێ پێدڤی بزانی
Rockstar دەم مسۆگەر کر: پێنجشەمب 19ێ نۆڤەمبەرێ ل سەر PS5 و Xbox Series X|S. Standard ب $79.99 و Ultimate ب $99.99.
ئەپل یەکەم MacBook Pro ب روونمایا تاچ و Dynamic Island ناساند
روونمایا نوو یا PROLED XDR ب تبلا کار دکەت، نۆچ نەما و Dynamic Island هاتە جهێ وێ. بها ژ $2,899 دەست پێدکەت.
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.