ئەپڵ MacBook Pro یێ نوو ب چیپا M6 ناساند، ژ $1,999
گرافیک تا 30% و کارێن AI تا 25% ژ M5 بلەزترن، پاتری دگەهیتە 24 دەمژمێران و هەمی پۆرت ل جهێ خۆ مانە.
· 2 خولەک خواندن
ئەپڵ ل 27ێ ئۆکتۆبەرێ MacBook Pro یێ 14 ئینچ ب چیپا نوو یا M6 ناساند. دیزاین وەک خۆ مایە، بەلێ گوهۆڕینێن مەزن د ناڤ دا نە: چیپ، پاتری و گرێدان.
چیپا M6: چەند بلەزترە؟
چیپا M6 دوازدە کۆرێن CPU هەنە: 2 کۆرێن super، 4 کۆرێن performance و 6 کۆرێن efficiency. گرافیک (GPU) ژی 12 کۆرن و Neural Engine ب 32 کۆرانە. ئەپڵ دبێژیت کۆرێ CPU یێ وێ بلەزترین کۆرە ل جیهانێ.
ب بەراورد دگەل M5، گرافیک تا 30% بلەزترە، کارێن AI تا 25%، و Neural Engine نێزیکی 1.9 جاران. بۆ بەرنامەسازان، ئاڤاکرن (Build) د Xcode دا 1.3 جاران بلەزترە. ئەگەر تە هێشتا MacBook ب چیپا M1 هەبیت، گرافیکا M6 نێزیکی 11 جاران ب هێزترە.
روونما و پاتری
روونما هەمان Liquid Retina XDR یا mini-LED یە ب قەبارێ 14.2 ئینچ، 120Hz ProMotion و ڕۆناهیا هەتا 1600 nits د HDR دا. روونمایا OLED د ڤێ مۆدێلێ دا نینە.
پاتری درێژترین پاتریە د Mac دا: هەتا 24 دەمژمێرێن ڤیدیۆ و 16 دەمژمێرێن ئینتەرنێتێ ب Wi-Fi. ب ئەداپتەرێ 96W، د 30 خولەکان دا دگەهیتە 50%.
پۆرت و گرێدان
هەمی پۆرت ل جهێ خۆ مانە: سێ پۆرتێن Thunderbolt 4، HDMI، SDXC، MagSafe 3 و جهێ گوهیکان (3.5mm). چیپا N1 یا ئەپڵ Wi-Fi 7 و Bluetooth 6 دئینیت، و کامێرا 12MP Center Stage یە.
| چیپ | M6 · 12-core CPU · 12-core GPU |
|---|---|
| RAM | 16GB – 32GB |
| کۆگە (Storage) | 1TB+ |
| روونما | 14.2″ mini-LED · 120Hz · 1600 nits |
| پاتری | 24h video · 72.4Wh |
| بها | $1,999 ($1,899 Education) |
| ل بازاڕی | 6 Nov 2026 |
بها و دەم
بهایێ دەستپێکێ $1,999 یە ($1,899 بۆ قوتابیان). داخوازکرنا پێشوەخت (Pre-order) ژ 28ێ ئۆکتۆبەرێ دەست پێدکەت، و ل بازاڕی ژ 6ێ نۆڤەمبەرێ. ئەڤە بهایێن ئەمریکایێ نە، ل بازاڕێن کوردستانێ دێ جودا بن.
بوو چونا مە
ئەگەر تە M4 یان M5 هەبیت، پێدڤی ب گوهۆڕینێ نینە. بەلێ بۆ خودانێن M1 و M2، ئەڤە نووکرنەکا مەزنە، بتایبەتی بۆ پاتری و گرافیکێ.
دامەزرێنەر و سەرنڤیسەرێ Kurd Developers. نووچەیێن مۆبایلان و تەکنەلۆژیایێ ب بادینی ل YouTube، Instagram و TikTok.
بابەتێن دی
iPhone Duo یێ $1,999 و کێشەیا لێڤێن ڕەش: بۆچی ئەپ هێشتا ئامادە نینن؟
ئێکەمین iPhone یێ چەماندی ژ لایێ هاردوێرێ ڤە شاکارە، بەلێ دەمێ تو ڤەدکەی، گەلەک ئەپ دبنە پەنجەرەکا تەنک و دۆرا وان هەمی ڕەشە. ئەڤە چیرۆکا ڤێ کێشێیە، و بۆچی چارەسەرکرنا وێ بۆ پەرەپێدەران ب ساناهی نینە.
Exynos 2700 تا 20% ژ Snapdragon بلەزترە؟
تاقیکرنێن ناڤخۆیی یێن سامسۆنگ دبێژن چیپا Galaxy S27 ب هێزترە. هێشتا دووپاتکرنا فەرمی نینە.
iPad mini یا نوو: روونمایا OLED، چیپا A20 Pro و دژە ئاڤە
مەزنترین گوهۆڕین د دیرۆکا iPad mini دا، ب بهایێ دەستپێکێ $699.